Իմ կյանքը | Տարոն Գլակ
Գետի Ափին Գրքեր Երկի՛ր իմ Պատերազմում Վերածնվի՛ր
Իմ կյանքը | Տարոն Գլակ
«Տարոն Գլակի «Իմ կյանքը» բանաստեղծությունը՝ գրված 2017 թվականին։ Բանաստեղծություն կյանքի՝ որպես ներշնչանքի, պատրանքի, սիրո և չավարտվող հեքիաթի մասին»։
Գետի Ափին Գրքեր Երկի՛ր իմ Պատերազմում Վերածնվի՛ր

Իմ կյանքը | Տարոն Գլակ

Ներշնչանք է կյանքս ու մեծ պատրանք,
Ես գիտեմ՝ դու էլ ես երազ եղել,
Չցանկացա երբեք ես արթնանալ
Եվ հեքիաթն իմ լարի նման ձգվեց:

Ոչ մի գրիչ աշխարհի մեջ չկար,
Որ հեքիաթիս վերջաբանը գրեր,
Ես մնացի աշխարհի պես մենակ,
Անօգնական ընկած ջրհորի մեջ:

Ես ուզեցի անկեղծության թանաք,
Որ նրա մեջ իմ արյունը խառնեմ,
Ես խնդրեցի մի քիչ ձիրք ու տաղանդ,
Որ հեքիաթս արցունքներով գրեմ:

Մի մեծ սեր է կյանքս ու մեծ պատրանք,
Ի՞նչն է իմ մեջ քեզ հարազատ եղել,
Ես ուրիշ եմ և իմ ծառը չկա,
Որ նրանից տերևի պես կախվեմ:

Ինչ գրել եմ՝ պարզությամբ եմ ցողել,
Բայց հեքիաթս անորոշ է մի քիչ,
Կյանքս մի մեծ ներշնչանք է եղել
Ու մի պատկեր, որ կախված է պատից:

Տ. Գլակ 2017 թ

Սարդոստայնից կախված տերև

Կարդա նաև Տարոն Գլակի « Ստի մեջ կոփվել ես … » բանաստեղծությունը :

One comment

  1. Pingback: Ոչ ոք չի հասկանում հիմա բանաստեղծին | Տարոն Գլակ - Taron Glak

Մեկնաբանություն